Wednesday, July 31, 2019

Үдлээд буцахын нартад

Үдлээд буцахын нартад
Үнэнтэй нь эвлэлгүй л яах вэ
Хөөрөн дэнслэх сэтгэл нь
Хөвсөлзөн догдлолгүй л яах вэ

Ирээд буцахын хорвоод
Итгэл гундалгүй л яах вэ
Догдлох хүрэн зүрх нь
Донсолж булгилалгүй л яах вэ

Саатаад буцахын орчлонд
Сандах сэтгэлийг яалтай
Эргээд буцахын жамтад
Ээрэх сэтгэлийг яалтай

No comments:

Post a Comment